Bağla

AzNews.info



Banklar xaricdən dollarla köçürülən vəsaitləri sahiblərinə qaytarmır – VİDEO

Banklar xaricdən dollarla köçürülən vəsaitləri sahiblərinə qaytarmır


Dollarla bağlı daha bir problem ortaya çıxıb. Dollar satmayan banklar xaricdən köçürülən amerika valyutası ilə olan vəsaiti də sahibinə ödəməkdən boyun qaçırırlar.

Belə ki, bu hadisə Gəncə sakini İradə Quliyevanın başına gəlib. Rusiyada yaşayan iki oğlu, mütəmadi olaraq analarına pul göndərirlər. Lakin qadın son bir neçə aydır ki, dollarla göndərilən pulları bankdan götürə bilmir.

İ.Quliyeva Gəncədə yerləşən bir çox bankda eyni mənzərənin müşahidə olunduğunu deyir.

Onun sözlərinə görə, bankların bu cür addım atması insanların pulunu göz görə-görə mənimsəməkdən başqa bir şey deyil.

Ekspert Anar Ramazanov bildirir ki, bankların belə addım atmasına səbəb dollar qıtlığının yaranmasıdır. Ancaq bu heç də banka pul köçürmələri ilə bağlı öhdəliyini icra etməmək səlahiyyəti vermir.

Bankın həmin qadına qarşı etdiyi açıq-aydın bank qanunvericiliyinin tələblərinin pozulmasıdır. Mütəxəssisin sözlərinə görə, əgər hansısa vətəndaş xarici ölkədən göndərilən pulu bankdan ala bilmirsə, bu zaman Maliyyə Bazarlarına Nəzarət Palatasına (MBNP) müraciət edərək öz hüququnu bərpa edə bilər.

Onu da qeyd edək ki, banklar hansı beynəlxalq pul köçürmə şirkətləri ilə müqavilə bağlayıblarsa, deməli, pul vəsaitinin göndərilən valyutada çatdırılmasına dair öhdəlik götürüblər.

Oxu.Az “xezerxeber”ə istinadən mövzu ilə bağlı daha ətraflı videomaterialı təqdim edir:

Mənbə: Oxu.az

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *