17 yaşlı bu gözəl ölkəmizi Filippində təmsil edəcək

Gələn il, Filippində “Supermodel İnternational 2016” beynəlxalq model müsabiqəsinin dünya finalı start verəcək.

ANS PRESS-in məlumatına görə, bu haqda xəbəri "World Beauty Congress"in qafqaz üzrə kordinatoru, tanınmış təşkilatçı Aqil Məmiyev verib.

O qeyd edib ki, “Supermodel İnternational 2016”ya qatılan 17 yaşlı modelimiz Nərgiz Nəsrullayeva üzümüzə gələn il noyabr ayının 11-də ölkəmizi təmsil etmək üçün Filippinə yola düşəcək.

““Supermodel İnternational 2016” yarışına hazırlıq tam sürətlə davam edir. Burada dünyanın 100-ə yaxın ölkəsindən qızlar iştirak edəcək. Promo-aksiyalar və kamp vaxtı finala kimi 10 gün ərzində davam edəcək. Hal-hazırda, Nərgiz müsabiqəyə hazırlıq mərhələsində, təcrübəli stilistlərlə, model treynerlərlə və fotoqraflarla çalışır. O, bu yaxınlarda tanınmış fotoqraf Rövşən Nazirlinin kameraları qarşısına keçib”, - deyə A.Məmiyəv ANS PRESS-ə açıqlamasında bildirib.

Xatırladaq ki, sözügedən müsabiqə 2000-ci ildən ildən bəri hər il dünyanın nüfuzlu ölkələrində keçirilir.