Türkiyədə mindən çox əsgər azadlığa buraxıldı

Türkiyədə hərbi çevrilişə cəhdlə bağlı həbs edilmiş 1200 əsgər azadlığa buraxılıb.

Oxu.Az-ın məlumatına görə, bu barədə şənbə günü, iyulun 23-də, Haber 7 nəşri yazır.

Nəşr bildirir ki, Ankara dövlət prokuroru Harun Kodalakın sözlərinə əsasən, əsgərlər atılan addımların məqsədlərini bilməyiblər.

Qeyd edək ki, bundan əvvəl, bir neçə həbs edilən əsgər hərbi çevriliş barədə məlumatları olmadığını bildirib. Onlar hərbi təlim adı ilə aldandıqlarını söyləyiblər.