Almaniya XİN türk əsilli deputatlara Türkiyəyə getməməyi məsləhət görüb

Almaniyanın Xarici İşlər Nazirliyi türk əsilli deputatlara gizli müraciət edərək, yaxın zamanlarda Türkiyəyə getməməyi məsləhət görüb.

Oxu.Az-ın Spiegel Online nəşrinə istinadən məlumatına görə, bildirilir ki, deputatlar Türkiyəyə gedəcəkləri təqdirdə onların təhlükəsizliyinə zəmanət verilməyəcək.

Hazırda türk əsilli deputatların əksəriyyəti Türkiyəyə ezamiyyət və məzuniyyətlərdən imtina edib. Deputatlardan biri hətta Türkiyədə yaşayan valideynlərindən başqa ölkəyə köçmələrini xahiş edib.

Xatırladaq ki, iyunun 2-də Almaniya Bundestaqının deputatları 1915-ci ildə Osmanlı imperiyasında baş verən hadisələrin “soyqırım” kimi tanınması haqqında qətnamə qəbul ediblər.