Almaniya qondarma “erməni soyqırımını” tanıdı

Almaniya Bundestaqının deputatları 1915-ci ildə Osmanlı imperiyasında baş verən hadisələrin “soyqırım” kimi tanınması haqqında qətnamə qəbul ediblər.

Oxu.Az xəbər verir ki, deputatların əksəriyyəti sənədin lehinə, bir nəfər əleyhinə səs verib, daha bir deputat isə bitərəf qalıb.

“Birinci Dünya Müharibəsində Osmanlı imperiyasında ermənilərin məhv edilməsi erməni xalqının minillik tarixində böyük nəticələrə səbəb olmuş bir fəlakət idi. Ona görə ki, müstəqil hesablamalara görə, deportasiya və kütləvi qətllər bir milyondan çox erməninin həyatı bahasına başa gəlib. Çoxsaylı müstəqil tarixçilər, parlament və beynəlxalq təşkilatlar ermənilərin təqibi və məhv edilməsini soyqırım hesab edirlər”, - sənəddə deyilir.