Peter Çex “Arsenal” keçib

Londonun “Çelsi” klubunun qapıçısı Peter Çex paytaxtın digər - “Arsenal” klubu ilə müqavilə imzalayıb.

Oxu.Az xəbər verir ki, bu barədə “kanonirlər”in rəsmi saytında məlumat verilir.

Futbolçuya yalnız tibbi müayinədən keçmək qalıb, bundan sonra o yeni komandasında çıxış edə biləcək.

“Çox şadam ki “Arsenal”a keçirəm. Mən karyeramın əvvəlindəki kimi indi də futbolu çox sevirəm, və ancaq qələbə üçün oynayıram. Arsen Venqerlə söhbətdən sonra mənim bu komandaya lazım olduğuma şübhəm qalmadı”, - Çex deyib.

The Daily Mail xəbər verir ki, 33 yaşlı çexiyalı qapıçının transferi “Arsenal”a 11 milyon funt sterlinqə başa gəlib.

Peter Çex “Çelsidə 2004-cü ildən çıxış edirdi. O bu klubda 333 oyun keçirib, 4 dəfə İngiltərə çempionu, 4 dəfə İngiltərə Kuboku, 1 dəfə Çempionlar Liqası 2011/12 və 1 dəfə Avropa Liqasının 2012/13 qalibi olub