Ramin Musayev: "Çempionatda 12 komanda da ola bilər"

"Gələn mövsüm ən azı 10 komandanın iştirakı ilə çempionat keçiriləcək. 12 komanda da ola bilər. Sponsor tapsanız, gətirin 12 komandalı çempionat keçirək”.

ANS PRESS-in məlumatına görə, bu sözləri jurnalistlərə açıqlamasında Peşəkar Futbol Liqasının prezidenti Ramin Musayev deyib.

Ramin bəy çempionatın ədalətli keçib-keçməməsinin avrokuboklarda bilinəcəyini deyib: "Çempionatın necə keçdiyinə, ədalətli olub olmamasına bizdən çox siz jurnalistlər qiymət vermisiniz.

Mənim bu haqda nəsə deməyim, bəlkə də yersiz olar. Ancaq Avrokuboklarda sübut olunacaq ki, çempionat ədalətli keçdi və hər bir komanda layiq olduğu yerə müvəffəq olub".