Məsut Özil: Təşəkkürlər, Azərbaycan!
Əslən türk olan Almaniya yığmasının yarımmüdafiəçisi Məsut Özil Azərbaycana isti münasibətə görə təşəkkür edib.
Oxu.Az-ın məlumatına görə, futbolçu rəsmi Facebook səhifəsində “Dünənki isti münasibətə görə təşəkkürlər, Azərbaycan” sözlərini yazıb.
Xatırladaq ki, martın 26-da Tofiq Bəhrəmov adına Respublika stadionunda keçirilən Azərbaycan-Almaniya matçı qonaqların 4:1 hesablı qələbəsi ilə yekunlaşıb.
Məsut Özil oyuna 61-ci dəqiqədə Mario Qomezin əvəzinə daxil olub.
Mənbə: Oxu.Az
