Qvardioladan fəlsəfi şərh

Münhen "Bavariya"sının baş məşqçisi Xosep Qvardiola "Volfsburq"dan alınan 1:4 hesablı məğlubiyyətə fəlsəfi yanaşıb.

ANS PRESS-in məlumatına görə, ispaniyalı mütəxəssis bu nəticənin komandasına fayda verəcəyini bildirib:

"Əlbəttə, həm mən, həm də futbolçularım məğlubiyyətə üzülürük. Heç kim məğlub olmaq istəmir. Ancaq oyunumuzu təkmilləşdirmək üçün mütləq məğlub olmalı idik. Aldığımız yenilginin ağrısı komandanın daha yaxşı oyununa təkan verəcək.

"Bavariya" qalib gəldikdə dünyanın ən yaxşı komandası olur, məğlub olduqda isə bu, faciə kimi qələmə verilir. Ancaq 11 ay ərzində yalnız qələbələri sıralamaq mümkün deyil".