KİV: Zidan “Real”a 2018-ci ilədək başçılıq edəcək

O, Rafael Benitesi əvəz edib.

Bazar ertəsi İspaniyanın “Real” klubunun baş məşqçisi vəzifəsinə təyin edilən Zinəddin Zidanın müqaviləsi 2018-ci ilə qədərdir. Bu barədə Marca nəşri məlumat yayıb.

AzNews.info TASS-a istinadən xəbər verir ki, Zidan Madrid klubunun 2015-ci ilin iyununda bu vəzifəyə təyin edilmiş ispaniyalı məşqçisi Rafael Benitesi əvəz edib.

Zidan FİFA-nın versiyasına görə “dünyanın ən yaxşı futbolçusu” mükafatının üçqat sahibidir (1998, 2000, 2003). O, Fransa yığmasının tərkibində (1998) dünya çempionu və Avropa çempionu (2000) olub.

Zidan “Real” uğrunda 2002-ci ildən 2006-cı ilə qədər çıxış edib, futbolçu karyerasını ispan komandasında başa vurub.