Qurban Qurbanov: Ardıcıl ikinci il Avropa Liqasının qrupunda oynamaq xoşdur

“Qarabağ”ın baş məşqçisi Qurban Qurbanov Avropa Liqasının qrup mərhələsi çərçivəsində İngiltərə “Tottenhem”inə qarşı 1-ci matçdan əvvəl jurnalistlərin suallarını cavablandırıb.

“Ardıcıl ikinci il Avropa Liqasının qrup mərhələsində oynamaq xoşdur, - Oxu.Az Qurban Qurbanovdan sitat gətirir. – “Qarabağ” ən yaxşı oyunlarından birini göstərməyə çalışacaq. Futbolçular həvəslidirlər. Azarkeşlərimizi sevindirmək istəyirik.

Matç zamanı havanın necə olacağını bilmirik, lakin yağış yağarsa, bizim üçün çətinlik yarana bilər.

Hələlik Maksim Medvedyevin oynayıb-oynamayacağı barədə qərar qəbul etməmişəm. Ola bilsin İlqar Qurbanov meydana çıxsın. Ehtimal var ki, yeni futbolçularımızdan kimlərsə ilk dəqiqələrdən oyuna qatılacaqlar”.

Xatırladaq ki, “Tottenhem” – “Qarabağ” matçı bu gecə keçiriləcək və Bakı vaxtı ilə 00:05-də başlayacaq.