“Atletik” “Barselona”ya əsl futbol dərsi keçdi – VİDEO

İspaniya Superkoku uğrunda ilk oyunda “Atletik” doğma meydanda “Barselona”nı darmadağın edib.

Oxu.Az xəbər verir ki, Bilbaoda keçirilən matç meydan sahiblərinin 4:0 hesablı qələbəsi ilə bitib.

Oyunun əsas qəhrəmanı “Atletik”in hücumçusu Aritz Aduris olub. O, 53, 62 və 68-ci dəqiqələrdə fərqlənərək “xet-trik”ə imza atlb.

Hesabı isə 13 dəqiqədə uzaq məsafədən gözəl qol ilə Mikel San Xose açıb.

Bununla da, kataloniyalılar ardıcıl olaraq ikinci oyunda dörd qol buraxıblar. Xatırladaq ki, avqustun 11-də Tiflisdə keçirilən UEFA Superkebokunun finalında “Barselona” “Sevilya”nı 5:4 hesabı ilə məğlub etmişdir.

Qetyd edək ki, “Barselona” və “Atletik” arasında cavab matçı avqustun 17-də “Nou Kamp” stadionunda baş tutacaq.