Şahmatçımız qalib oldu

Azərbaycanlı qrossmeyster Şəhriyar Məmmədyarov blits üzrə beynəlxalq turnirin qalibi olub.

ANS PRESS-in "Sportpress"ə istinadən məlumatına görə, şahmatçımız Rusiyada Mixail Talın xatirəsinə həsr olunan beynəlxalq blits yarışını lider kimi başa vurub.

12 şahmatçının iştirak etdiyi və ümumi mükafat fondu 100 min ABŞ dolları olan turnirdə Məmmədyarov 22 matçdan 16 xal toplayıb.

Yarışda ikinci yeri tutan Rusiya təmsilçisi Aleksandr Qrişuk təmsilçimizdən 0,5 xal geri qalıb.

Üçüncü yeri əlavə əmsallara görə Boris Gelfand (İsrail) tutub.