Qadın paracüdoçumuz Avropa Oyunlarının gümüş medalını qazandı

Azərbaycanın Avropa Oyunlarındakı yeganə gözdən əlil qadın cüdoçusu yarışların gümüş medalını qazanıb.

Oxu.Az xəbər verir ki, Azərbaycanın 57 kq-dək çəki dərəcəsindəki gözdən əlil qadın cüdoçusu Səbinə Abdullayeva finalda Ukrayna təmsilçisi İnna Çernyakla üzləşib.

Görüş ərzində bir yuko xalı ilə irəlidə olmasına baxmayaraq, təmsilçimiz üstünlüyünü qoryub saxlaya bilməyib. Görüşün ortasında ipponla qiymətləndirilən fənd işlədən Ukraynalı idmançı qalib gələrək Avropa Oyunlarının qızıl medalını qazanıb. Səbinə Abdullayeva isə Oyunlarına gümüş medalını əldə edib.

S.Abdullayeva bundan əvvəlki mərhələlərdə ispan Mariya Monik Merensiano Herrero və ukraynalı Nataliya Nikolayçuku məğlub etmişdi.