Azərbaycan növbəti medalını qazandı

Azərbaycan avarçəkəni Valentin Demyanenko Avropa Oyunlarında gümüş medal qazanıb.

Oxu.Az xəbər verir ki, o kişilər arasında 200 m məsafəyə kanoe-təkbətək (C1) yarışında 40.142 saniyə nəticə göstərərək fəxri kürsünün ikinci pilləsinə yüksəlib.

Birinci yeri 40.064 saniyə nəticə ilə litvalı Henrikas Zustautas tutub.

Digər təmsilçimiz Mirnazim Cavadov 200 metr məsafəyə kayak yarışlarında B finalında start xəttinə çıxıb. O, 37,492 saniyə nəticə ilə finiş xəttini 7-ci keçib.