Daha bir karateçimiz qızıl medal qazandı – YENİLƏNİB

Azərbaycan Avropa Oyunlarında 4-cü qızıl medal qazandı.

Oxu.Az xəbər verir ki, karate yarışlarında İrina Zaretska finalda avstriyalı A.T.Bukingerlə qarşılaşaraq inamlı qələbə qazanıb - 8:1.

Xatırladaq ki, təmsilçimiz qrup oyununda avstriyalı karateçiyə 9:4 hesabı ilə məğlub olmuşdu.

Beləliklə, Azərbaycan Avropa Oyunlarında 9-cu medalını qazanıb.

17:24

Karateçimiz İ.Zaretska yarımfinal mərhələsində monteneqrolu M.Rakoviçlə qarşılaşıb. Təmsilçimiz rəqibinə 1:0 hesablı qalib gələrək növbəti mərhələyə yüksəlib.

Oxu.Az xəbər verir ki, finalda o, qrup mərhələsində qarşılaşdığı avstriyalı A.T.Bukingerlə üz-üzə gələcək.

Ardından A.Mamayev yarımfinal görüşünə çıxıb. O, kosovalı Alvin Karaqi ilə qarşılaşıb. Rəqibini 6:1 hesabı ilə məğlubiyyətə uğradan karateçimiz finala yüksəlib.

Təmsilçimiz finalda yunanıstanlı Mixail Georgios Tzanosla qarşılaşacaq.

16:39

Karateçimiz İ.Zaretska yarımfinal mərhələsində monteneqrolu M.Rakoviçlə qarşılaşıb.

Oxu.Az Trend-ə istinadən xəbər verir ki, təmsilçimiz rəqibinə 1:0 hesablı qalib gələrək növbəti mərhələyə yüksəlib.

Finalda o, qrup mərhələsində qarşılaşdığı avstriyalı A.T.Bukingerlə üz-üzə gələcək.

14:19

Qadın karateçilər arasında kumite yarışının A qrupunda mübarizə aparan İrina Zaretska ilk görüşünə qələbə ilə başlayıb. 19 yaşlı idmançımız dünya çempionu Kristina Vizkaino (İspaniya) üzərində inamlı qələbə qazanıb - 6:1. Ardından o, avstriyalı Alisa Tereza Bukingerə 0:4 hesabı ilə məğlub olub. Vasiliki Panetsidou ilə qarşılaşan İ.Zaretska 1:0 hesabı ilə qələbə qazanara yarımfinal mərhələsinə vəsiqə qazanıb.

Oxu.Az xəbər verir ki, Karateçimiz bu mərhələdə monteneqrolu Marina Rakoviçlə qarşılaşacaq.

Kişilər arasında 84 kq çəki dərəcəsində mübarizə aparan Ayxan Mamayev isə yunan, ukraynalı və fransız rəqibləri ilə döyüşlərdə 2 qələbə qazanmaqla - müvafiq olaraq, 0:0, 6:3, 6:1 - yarımfinal mərhələsinə adlayıb.

11:39

Bu gün Bakıda kişilər arasında karate yarışlarının qrup mərhələsinə start verilib.

Oxu.Az xəbər verir ki, Bakı Kristal Zalında keçirilən Oyunlarda təmsilçilərimizin 2-si kata, 4-ü isə kumite yarışında gücünü yoxlayacaq.

Bu qrupun ilk görüşü həmyerlimiz Tural Balcanlı ilə türkiyəli Yakan Mehmet arasında olub. Karateçimiz debütdə məğlubiyyətə üzülüb. O, 0:5 hesabı ilə uduzub. Gənc idmançımızın növbəti rəqibi fransız Dak Min olacaq. Avropa və Dünya Kubokunun mükafatçısı qrupda son olaraq Quta Adriana (Rumıniya) qarşı mübarizə aparacaq.

B qrupunda mübarizə aparan həmyerlimiz Tural Balcanlı ilk görüşündə türkiyəli Yakan Mehmetə uduzduqdan sonra fransalı Dak Minlə qarşılaşıb. Təmsilçimiz bu dəfə də tatamini məğlub tərk edib ( 0:5). T. Balcanlı qrupda son olaraq Quta Adrian (Rumıniya) ilə görüşdən 5: 0 hesabı ilə qalib ayrılıb.

11:05

Bu gün Bakı-2015 I Avropa Oyunlarında karateçilərin mübarizəsinə yekun vurulacaq.

Oxu.Az Apasport.az-a istinadən xəbər verir ki, yarışın sonuncu günü daha 6 dəst medal sahibini tapacaq.

İlk gündə Azərbaycan millisinin aktivinə 2 qızıl və 2 bürünc medal yazdıran karateçilərimiz bu gün medal sayını artıra bilərlər. Bakı Kristal Zalında keçirilən Oyunlarda təmsilçilərimizin 2-si kata, 4-ü isə kumite yarışında gücünü yoxlayacaq.

Bu qrupun ilk görüşü həmyerlimiz Tural Balcanlı ilə türkiyəli Yakan Mehmet arasında olub. Karateçimiz debütdə məğlubiyyətə üzülüb. O, ardınca fransalı Dak Mindən də zəif təsir bağışlayıb - 0:5. Avropa və Dünya Kubokunun mükafatçısı qrupda son olaraq Quta Adriana (Rumıniya) qarşı mübarizə aparacaq.