Belarus ABŞ-ı darmadağın etdi

Belarusun milli xokkey komandası Çexiyada keçirilən dünya çempionatında ABŞ yığmasını darmadağın edib.

ANS PRESS-in məlumatına görə, görüş 5:2 hesabı ilə Aleksandr Lukaşenkonun rəhbərlik etdiyi dövlətin komandası demokratiyanın beşiyi sayılan Barak Obamanın ölkəsini məğlubiyyətə uğradıb.

Bu, siyasi sahədə olmasa da, idman sahəsində Belarus millisinin ABŞ üzərində ilk qələbəsidir. Ostrava şəhərində keçirilən görüşün 2-ci hissəsində Belarus millisi 5 dəqiqədə üç qol vurub və bundan sonra ABŞ millisi oyun taktikasını itirib.

Belarus ABŞ üzərində qələbədən sonra, qrupda 3-cü yerə çıxıb və bu komandanın ¼ finala çıxmaq şansını artırıb. Hazırda B qrupuna 10 xalla Belarus başçılıq edir. Finlandiya, Rusiya və ABŞ-ın isə hərəyə 9 xal toplayıb.

Digər komandalar arasında baş tutan qarşılaşmalar belə nəticələnib:

Finlandiya-Sloveniya 4:0,
İsveç-Almaniya 4:3,
Çexiya-Fransa 5:1.

Xatırladaq ki, A qrupunda ilk dördlüyə hələlik Kanada, İsveç, İsveçrə və Çexiya daxildir.