Ronaldu “Yuventus”u məğlubiyyətdən xilas etdi

“İnter” İtaliya A Seriyasının 34-cü turunda “Yuventus”la qarşılaşıb.

Oxu.Az xəbər verir ki, oyun 1:1 hesabı ilə başa çatıb.

Hesabı 6-cı dəqiqədə meydan sahibləri açıblar. Radja Nainqolan fərqlənib.

“Yuventus” isə fasilədən sonra Kriştianu Ronaldunun vurduğu qolla hesabı bərabərləşdirib.

Qeyd edək ki, “Yuventus” vaxtından əvvəl çempionluğu qazanıb. “İnter” isə bu oyundan sonra 62 xal toplayaraq turnir cədvəlinin üçüncü pilləsində yer alıb.