“Qəbələ” autsayderlə də bacarmadı – VİDEO

Azərbaycan Premyer Liqasında VI tura yekun vurulub.

Oxu.Az xəbər verir ki, “Qəbələ” öz meydanında bu turadək autsayderlərdən olan “Keşlə” ilə qarşılaşıb və yenə qələbə üzünə həsrət qalıb – 1:1.

“Sumqayıt” isə Bayılda nominal meydan sahibi kimi digər autsayder “Zirə”ni qəbul edib. 16-cı dəqiqədə mərkəz müdafiəçisi Adil Nağıyevin öz qapısına qol vurması nəticəsində “Sumqayıt” 1:0 qalib gəlib.

Qeyd edək ki, “Sumqayıt” bu qələbə ilə xalını 10-a yüksəldib və III sıraya yüksəlib. İlk iki sırada isə 16 xalla “Neftçi” və “Qarabağ” məskunlaşıb.