Messinin hərəkəti Qvardiolanı şoka saldı

Messinin bir hərəkəti "Barselona" - "Mançester Siti" matçına damğa vurub.

ANS PRESS-in məlumatına görə, Çempionlar Liqasında 1/8 final mərhələsində "Nou Kamp"da baş tutan matçda Leonun rəqib futbolçunu ustalıqla keçməsi hər kəsin diqqətini çəkib.

Messi "Mançester Siti"nin müdafiəçisini aldatmaq üçün üçün topu onun ayaqlarının arasından keçirib. Futbolçunun bu hərəkəti bütün futbolsevərləri həyəcanlandırıb.

Xüsusilə, matçı tribunalardan izləyən kataloniyalıların sabiq baş məşqçisi Pep Qvardiolanın həmin epizoda reaksiyası kameraların obyektivindən qaçmayıb.

Qeyd edək ki, matç "Barselona"nın 1:0 hesablı qələbəsi ilə başa çatıb. Bu nəticə ilə kataloniyalılar adını növbəti tura yazdırıb.