Şirinli Argentinada himnimizi səsləndirdi – FOTO

Argentinanin paytaxtı Buenos-Ayresdə cüdo üzrə Panamerika açıq çempionatına start verilib.

Oxu.Az xəbər verir ki, yarışın ilk günü Azərbaycan milli komandası üçün uğurlu olub.

Belə ki, 60 kq çəki dərəcəsində ölkəmizi təmsil edən Vüqar Şirinli tatami sahibi Nikolas Qomes və türkiyəli Əhməd Kabaya qalib gelerek yarımfinala çıxıb.

Vüqar yarımfinalda Argentina təmsilçisi Hernan Birbrierdən üstün olub.

Finalda isə kanadalı cüdoçu Sergio Pessoaya qalib gələn Şirinli qızıl medal qazanıb. Mükafatlandırma mərasimində cüdoçumuzun şərəfinə Azərbaycan himni səsləndirilib.

60 kq çəki dərəcəsində mübarizə aparan millimizin digər üzvü Elbrus Zamanov 7-ci olub.

48 kq çəki dərəcəsində çıxış edən Aişə Qurbanlı isə mötəbər turnirdə 5-ci yeri tutub.

Qeyd edək ki, 60 ölkədən 288 (172 kişi, 116 qadın) cüdoçunun qatıldığı yarışda millimiz 7 idmançı ilə təmsil olunur.