Azərbaycan İtaliyaya uduzdu

Yığmamız Avropa Çempionatında ilk oyununu keçirib.

Futzal üzrə Azərbaycan yığması Serbiyanın paytaxtı Belqradda Avropa Çempionatının ilk turunda İtaliya milisi ilə qarşılaşıb.

Oxu.Az xəbər verir ki, yığmamız 3:0 hesabı ilə məğlub olub. Rəqib komandada Aleks Merlim dubla imza atıb, daha bir qolu isə qapımızdan Daniel Qiasson keçirib.

Millimizin uduzmasında Amadeunun qarşılaşmanın 19-cu dəqiqəsində ikinci sarı vərəqə ilə oyundan kənarlaşdırılması böyük rol oynayıb.

Qeyd edək ki, D qrupunda Azərbaycan və İtaliya ilə yanaşı, Çexiya millisi də mübarizə aparır. Millimiz növbəti matçını fevralın 5-də Çexiya millisinə qarşı keçirəcək.

Hər qrupdan iki ən yaxşı nəticə göstərən komad=nda növbəti mərhələyə vəsiqə qazanır.