“Qarabağ” da avrokuboklarla vidalaşdı

Futbol üzrə UEFA Avropa Liqasının 2015/2016-cı illər mövsümünün qrup mərhələsinin sonuncu turunun oyunları keçirilib.

Oxu.Az xəbər verir ki, Azərbaycanı turnirdə təmsil edən “Qarabağ” səfərdə Belçikanın “Anderlext” klubunun qonağı olub və 2:1 hesabı ilə uduzub.

Qollar: Eddi Najar, 27, Okaka, 31 - Dani Kintana, 26.

Bu qrupun digər oyununda “Tottenhem” “Monako”nu darmadağın edib - 4:1.

Beləliklə, növbəti mərhələyə “Tottenhem” və “Anderlext” klubları vəsiqə qazanıblar.

Azərbaycan klubları üçün isə bu mövsüm avrokubok həyəcanı sona çatdı.

1. “Tottenhem” - 13 xal (6 oyun)

2. “Anderlext” - 10 (6)

3. “Monako” - 6 (6)

4. “Qarabağ” - 4 (6)