Qurban Qurbanov: Bu bizim son şansımızdır

“Qarabağ” futbol klubunun baş məşqçisi Qurban Qurbanov sabah Avropa Liqasının qrup mərhələsində Belçikanın “Anderlext” klubuna qarşı həlledici oyundan əvvəl gözləntiləri ilə bölüşüb.

“Bu bizim qrup mərhələsində son oyunumuzdur, onun əhəmiyyəti hamıya bəllidir, - Oxu.Az baş məşqçinin sözlərindən sitat gətirir. - Bizə yalnız qələbə lazımdır. Başqa çıxış yolumuz yoxdur. Çətinliklərə baxmayaraq, komanda tam hazırdır. Hər kəs məsuliyyəti dərk edir. İtirəcəyimiz heçnə yoxdur.

“Anderlext”i yaxşı tanıyırıq. Bu komanda həmişə aqresiv futbol oynayır. Bəzi futbolçüların olmaması onlar üçün problem deyil. Bizim itkilərimiz daha çoxdur, lakin komanda da ruh yüksəkliyi var. Bu bizim son şansımızdır”.