Paralimpiyaçılarımız Açıq Avropa çempionatında iştirak edəcəklər

Azərbaycanlı paralimpiyaçılar lisenziya xarakterli Açıq Avropa çempionatında iştirak edəcəklər.

Bu barədə Oxu.Az-a Azərbaycan Milli Paralimpiya Komitəsindən məlumat veriblər.

Məlumatda bildirilir ki, Azərbaycan Respublikası Milli Paralimpiya Komitəsinin poverliftinq idman növü üzrə idmançıları Macarıstanın Eger şəhərində 22-30 noyabr tarixlərində lisenziya xarakterli Açıq Avropa çempionatında iştirak edəcəklər.

Qeyd edirik ki, bu ilin iyul ayında Qazaxıstanda keçirilən Asiyanın açıq çempionatında 107 kq çəki dərəcəsində iştirak edən idmançımız Elşən Hüseynov dünya rekordunu yeniləyərək Komitəmizin hesabına bu idman növü üzrə ilk lisenziyasını qazanıb.