“Neftçi”dən əzmkar qələbə – VİDEO

Bu gün Azərbaycanın futbol üzrə Topaz Premyer Liqasının 11-ci turunun iki matçı keçirilib.

Oxu.Az xəbər verir ki, “Neftçi” səfərdə “Sumqayıt”ın qonağı olub və 2:1 hesabı ilə əzmkar qələbə qazanıb.

Oyuna meydan sahibləri fəal başlayıblar - 7-ci dəqiqədə Uğur Pamuk hesabı açıb.

Lakin paytaxt təmsilçisi ikinci hissədə toparlana bilib. Əvvəlcə 72-ci dəqiqədə Fəhmin Muradbəyli hesaba tarazlıq gətirib. 5 dəqiqə sonra Ruslan Qurbanov penalti zərbəsini dəqiq yerinə yetirib - 1:2.

Turun digər oyununda “Rəvan” doğma meydanda “Xəzər Lənkəran”a miimal hesabla uduzub.

Yeganə qolu oyunun 80-ci dəqiqəsində Elnur Cəfərov vurub.

Turnir cədvəli:

1. “Qarabağ” – 26 xal 11 matç)

2. “Qəbələ”– 21 (11)

3. “İnter” – 19 (11)

4. “Kəpəz”– 18 (11)

5. “Zirə” - 18 (11)

6. “Neftçi” – 13 (11)

7. “Xəzər-Lənkəran” – 12 (11)

8. “Sumqayıt” – 11 (11)

9. AZAL – 8 (11)

10. “Rəvan” – 2 (10)