“Qəbələ” “Xəzər-Lənkəran”a 6 qol vurdu – VİDEO

Bu gün Topaz Premyer Liqasının 7-ci turuna yekun vurulub.

Oxu.Az xəbər verir ki, turun mərkəzi qarşılaşmasında “İnter” “Qarabağ”ı qəbul edib. Qurban Qurbanovun yetirmələri 2:0 hesabı ilə qələbə qazanıblar.

“Qarabağ” heyətində Dani Kintana və Reynaldo fərqləniblər.

Oyun həmçinin baş hakim Elvin Əsgərovun kobud səhvi və Qurban Qurbanovun jesti ilə yadda qalıb.

Digər qarşılaşmada “Kəpəz” doğma meydanda “Sumqayıt”ı 3:1 hesabı ilə məğlub edib. “Kəpəz”in heyətində Junior Osvaldo dubla imza atıb, daha bir qolu isə Rəşad Eyyubov vurub. Qonaqlarda isə Uğur Pamuk fərqlənib.

Turun son qarşılaşmasında isə “Qəbələ” doğma meydanda “Xəzər-Lənkəran” darmadağın edib - 6:0.

Oyunda hesabı 8-ci saniyədə Dodo açıb. Bu həmçinin Azərbaycan çempionatları tarixində ən tez vurulan qol kimi tarixə düşüb.

Meydan sahiblərinin heyətində həmçinin Fakundo Pereyra (iki dəfə), Aleksey Qay, Aleksey Antonov və Ermin Zetç fərqləniblər.

Turnir cədvəli:

1. “Qarabağ” – 17 xal (7 matç)
2. “Qəbələ”– 16 (7)
3. “Zirə” – 15 (7)
4. “İnter” – 13 (7)
5. “Neftçi” – 9 (7)
6. “Kəpəz” – 8 (7)
7. “Xəzər-Lənkəran”– 6 (7)
8. AZAL – 4 (7)
9. “Sumqayıt”– 4 (7)
10. “Rəvan” – 2 (7)