Mxitaryan çox güman ki, Azərbaycana uçmayacaq

Dortmund “Borussiya”sının yarımmüdafiəçisi Henrix Mxitaryan çox güman ki, Avropa Liqasının xaricdə keçirilən “Qəbələ” ilə matçında iştirak etməyəcək.

Bu barədə alman klubunun icraçı direktoru Hans Yiahim Vattske bildirib.

“Mxitaryan çox güman ki, “Qəbələ”yə qarşı keçirilən matçda iştirak etməyəcək. Biz mövcud vəziyyəti öyrənmişik. Ermənistan və Azərbaycan arasında münaqişə var və biz öz oyunçularımızın təhlükəsizliyinin qayğısına qalmalıyıq.

Azərbaycanda təhlükəsizliyin təminatı ilə çətinliklər var. Əgər futbolçumuz özünü rahat hiss etməyəcəksə, əgər o qorxu hiss edə bilərsə, əlbəttə ki, biz öz qərarımızda bunu nəzərə almalıyıq”.