"Cim-Bom" uduzdu, Ronaldo coşdu – VİDEO

Çempionlar Liqasının qrup qrup mərhələsinə start verilib. ANS PRESS-in məlumatına görə, ilk oyun günündə 4 qrupda 8 matç baş tutub.

A qrupunda "Real" Mirça Luçeskunun başçılıq etdiyi "Şaхtyor"u qəbul edib. Kriştiano Ronaldonun het-trik etdiyi oyunda Madrid klubu 4:0 hesablı qələbə qazanıb. Qrupun digər oyununda PSJ "Malmö"nü 2:0 hesabı ilə yenib.

B qrupunda “Mançester Yunayted” səfərdə PSV ilə üzü-üzə gəlib. Premyer Liqa klubu hesabı açdığı oyunda uduzub - 1:2. "Volfsburq" isə Moskva ÇSKA-sını yenib - 1:0.

Azərbaycanlı azarkeşlərin daha çoх diqqət ayırdığı C qrupunda "Qalatasaray" doğma meydanda "Atletiko" ilə qarşılaşıb. Oyun ispanların 2:0 hesablı qələbəsi ilə yekunlaşıb. Qrupun digər oyunu da eyni hesabla başa çatıb. Bu matçda "Benfika" debütant "Astana"nı yenib.

D qrupunda isə günün əsas oyunu - “Mançester Siti” - “Yuventus” qarşılaşması baş tutub. "Mançester Siti" də "Mançester Yunayted" kimi hesabı açdığı oyunda uduzub - 1:1. “Sevilya” isə Münhenqladbax “Borussiya”sını 3:0 hesabı ilə darmadağın edib.

Qeyd edək ki, qalan 4 qrupun oyunları bu gün keçiləcək.

Çempionlar Liqası
2015/16 mövsümü
I tur, 15 sentyabr

A qrupu
PSJ (Fransa) - Malmö (İsveç) 2:0
Qollar: Angel Di Maria, 4. Edinson Kavani, 61.



Real (İspaniya) - Şaxtyor (Ukrayna) 4:0
Qol: Kərim Benzema, 30. Kriştiano Ronaldo, 55 (penalti); 63-pen; 81.
Qırmızı vərəqə: Taras Stepanenko, 50 (Şaxtyor).



B qrupu
PSV (Hollandiya) - Mançester Yunayted (İngiltərə) 2:1
Qollar: Hektor Moreno, 45+1. Lusiano Narsinq, 57 - Mempis Depay, 41.



Volfsburq (Almaniya) - ÇSKA (Rusiya) 1:0
Qol: Julian Draksler, 40.

C qrupu
Benfika (Portuqaliya) - Astana (Qazaxıstan) 2:0
Qollar: Nicolas Qaytan, 51. Konstantinos Mitroglu, 62.

Qalatasaray (Türkiyə) - Atletiko (İspaniya) 0:2
Qollar: Antoine Qriezmann, 18; 25.



D qrupu
Mançester Siti (İngiltərə) - Yuventus (İtaliya) 1:2
Qollar: Giorgio Çiellini, 57 (avtqol) - Mario Mandzukiç, 70. Alvaro Morata, 81.



Sevilya (İspaniya) - Borussiya M (Almaniya) 3:0
Qollar: Kevin Qameyro, 47-pen. Ever Baneqa, 66-pen. Yann Sommer, 84 (avtoqol).