Qarabağ İsveçrədən qələbə ilə qayıdır – VİDEO

Bu gün UEFA Avropa Liqası pley-off mərhələsinin ilk oyunları çərçivəsində, ölkə çempionu “Qarabağ” səfərdə İsveçrənin “Yanq Boyz” klubu ilə qarşılaşdı.

AzNews.info xəbər verir ki, Çempionlar Liqası III təsnifat mərhələsində “Seltik”ə məğlub olaraq mübarizəni Avroliqada davam etdirməli olan ağdamlılar “Yanq Boyz”-un müqavimətini qırmağa nail olublar. Belə ki, 67. dəqiqədə Riçard Almeydanın uzaqdan qüvvətli zərbə ilə vurduğu baxımlı qol oyunda yeganə olub və Qarabağ səfərdən 0-1 hesablı qələbə ilə geri dönməyə nail olub.

Cavab oyunu gələn həftə Bakıda keçiriləcək.