İlham Əliyevə Çempion kəməri verildi – FOTO

Prezident İlham Əliyev Beynəlxalq Sambo Federasiyasının prezidenti Vasili Şestakov ilə görüşüb.

ANS PRESS-in məlumatına görə, qonaq Beynəlxalq Sambo Federasiyası İcraiyyə Komitəsinin qərarı ilə Sambonun Çempion kəmərini dövlətimizin başçısına təqdim edib.

Prezident İlham Əliyev Vasili Şestakova minnətdarlığını bildirib: "Siz qeyd etdiyiniz kimi, sambo birinci Avropa Oyunlarının proqramına daxil edilib. Bu Prezident Putinlə mənim birgə təşəbbüsüm idi. Biz bu barədə hələ ötən ilin yazında müzakirə aparmışdıq. Biz Avropa Olimpiya Komitəsinə müraciət etdik ki, sambo ilk Avropa Oyunlarının proqramına daxil edilsin. Deməliyəm ki, Oyunların proqramına daha 7 idman növü üzrə yarışların daxil edilməsi planlaşdırılırdı. On doqquzu artıq müəyyənləşdirilmişdi və yalnız bir idman növü qalırdı. Əlbəttə, biz Avropa Olimpiya Komitəsinə xahişimizi təmin etdiklərinə görə də minnətdarıq".

Vasili Şestakov Azərbaycanda güclü sambo məktəbinin olduğunu və bunun maraqla izləndiyini vurğuladı.