Halil Sezainin konsertində evlilik təklifi – VİDEO

Türkiyəli müğənninin konsertində maraqlı anlar yaşanıb.

ANS PRESS-in məlumatına görə, türkiyəli tanınmış müğənni xeyriyyə məqsədilə Çanaqqalada baş tutan konsertdə tamaşaçıları qaşısında bir-birindən sevilən mahnılarını səsləndirib. Gecəyə damğasını vuran əsas hadisə isə konsert iştirakçılarından birinin səhnəyə çıxaraq sevdiyi qıza evlənmə təklif etməsi olub.

Gənc oğlanın bu hərəkəti tamaşaçıların alqışları ilə qarşılanıb. Mikrofonu əlinə alan oğlan eşq etiafını etdikdən sonra sevdiyi qızı səhnəyə çağırıb və qarşısında diz çökərək ona evlənmə təklifi edib.

"İncir Reçeli" adlı filmi ilə tanınan və "İsyan" mahnısı ilə böyük şöhrət qazanan Halil Sezai isə bu gənc cütlüyün xoşbəxt anına şahidlik etdiyi üçün sevincli olduğunu dilə gətirib.