Rəqqasə Asena gürcüləri məst etdi – FOTO

Türkiyəli müğənni və rəqqasənin iştirakı ilə Gürcüstandakı otellərdən birində konsert proqramı baş tutub.

ANS PRESS-in məlumatına görə, Gürcüstanın turist cəlb edən şəhərlərindən olan Batumidəki otellərdən birində hazırlanan konsert proqramında müğənni Volkan Konakla yanaşı, oriyental rəqqasə Asena da qonaqların qarşısında çıxış edib.

Otelə gözləniləndən çox müştəri gəlib. 1500 nəfərlik dəvətnamə paylansa da, konsertə gələnlərin sayı iki mini ötüb. Bu səbəblə qonaqlardan bəziləri qonşu otellərdə gecələməli olublar.

Əvvəlcə səhnəyə Asena çıxıb və oriyental rəqsi gecəyə rəng qataraq, qonaqları daha da coşdurub. Onun ardınca isə Volkan Konak səhnədə yerini alıb və sevilən mahnıları ilə gecəyə öz damğasını vurub.