Moskvada ən gözəl azərbaycanlı qızı seçdilər – FOTO

Martın 29-da Moskvanın məşhur restoranlarından biri olan “Şakti Terasda” Rusiyanın Azərbaycan gənclər birliyinin “Miss AMOR-2015” gözəllik müsabiqəsinin final mərhələsi baş tutub.

Oxu.Az təşkilatın saytına istinadən xəbər verir ki, müsabiqə Heydər Əliyev Fondunun vitse-prezidenti, AMOR-un sədri Leyla Əliyevanın təşəbbüsü ilə keçirilib.

AMOR-un İnstagram səhifəsində aparılan müsabiqənin qaydalarına görə, finala ən çox “like” toplayan beş namizəd keçib.

Finalçılar Nərminə Qurbanova, İraida Novruzova, Fatimə Talıbova, Leyla Tahirzadə, Kəmalə Mövsümzadə olub, onlar “Miss AMOR” titulu uğrunda mübarizə aparıblar.

Nərminə Qurbanova


İraida Novruzova


Fatimə Talıbova


Leyla Tahirzadə


Kəmalə Mövsümzadə


Müsabiqənin əvvəlində iştirakçıların təqdim etdiyi dəfilə göstərilib, bu dəfilə çərçivəsində hər bir iştirakçı özü haqqında məlumat verib.

İkinci mərhələ şou xarakterli olub, qızlar öz bacarıqlarını nümayiş etdiriblər: kimisi oxuyub, kimisi rəqs edib, kimisi şeir söyləyib.

Finalda iştirakçılar münsiflər heyətinin maraqlı suallarına cavab veriblər.

“Miss AMOR” müsabiqəsinin qalibini müğənni Katya Lel təqdim edib. Tacın xoşbəxt sahibəsi Fatimə Talıbova olub, o, münsiflər heyətini öz səmimiyyəti və mehribanlığı ilə heyran edib.

Fatimə Talıbova


Fatiməyə diplom, hədiyyələr, eləcə də gecənin bütün qonaqları ilə bölüşdüyü nəhəng tort təqdim ediblər.