Azərbaycan məktəblisi hava ilə işləyən silah düzəltdi

Məktəbli silah maketləri hazırlayır.

"ARB Günəş"in efirində yayımlanan süjetdə silah maketləri hazırlayan istedadlı yeniyetmə haqqında məlumat verilib.

Xaçmaz rayonu, Nərəcan kəndində yaşayan Həmdulla Xəlilov müxtəlif silah maketləri hazırlayır. O, hazırda “Kalaşnikov” avtomatı və pulemyot maketi üzərində çalışır. Məktəbli siahların hazırlanmasında tullantı materiallardan istifadə edir. Maketlərin hissələri karton lövhələrdən və plastik materiallardan ibarətdir.

Hazırladığı maketləri təkmilləşdirməyə çalışan məktəbli bu istəyinə müəyyən qədər nail olub. Həmdulla yeni işlər üzərində çalışır. O, yaxın gələcəkdə müxtəlif funksiyaları olan silah maketləri hazırlamaq niyyətindədir.