Beyons iri ombası olan qul haqqında film çəkəcək – FOTO

O, baş rolu oynamağı planlaşdırır.

Amerikalı müğənni Beyons kəniz Saarti Baartman haqqında film çəkmək niyyətindədir.

Onu Cənubi Afrikadan XIX əsrin əvvəlində Avropaya gətiriblər və kütləyə nümayiş etdiriblər, səbəb isə onun həddən artıq iri ombalarının olması idi, The Sun bu barədə öz mənbələrinə istinadən məlumat yayıb.

Oxu.Az lenta.ru-ya istinadən xəbər verir ki, filmin ümumi konsepsiyasının işlənməsi üçün komanda artıq yığılıb.

Nəşr qeyd edir ki, Beyons filmdə baş rolu ifa etmək niyyətindədir.

“O, Hollivudda ciddi aktrisa kimi qəbul edilməsinə səy göstərir”, - The Sun mənbəsi izah edib.

Müğənni özü bu informasiyanı təsdiqləməyib. The Guardian-ın məlumatına görə, Cənubi Afrika Respublikasının hakimiyyəti Beyonsun ideyasına etiraz ediblər. Ölkə rəhbərliyi bu ifaçının Saarti Baartmanın hekayətini danışmağa layiq deyil deyə düşünür.

Saarti Baartman Afrikanın hottentota xalqına məxsus idi. Onun bədəninin qeyri-adi quruluşu, steatopigiya ilə izah edilir, bu zaman orqanizmin bütün piyi ombalarda yığılır. Qadınlar bu zaman uzanmış cinsi dodaqlara malik olurlar. Baartmanı yalnız əyləncə üçün məcburi olaraq kütləyə nümayiş etdirmirdilər, həm də müşahidə edirdilər.