Batmış gəmidən 4.5 milyon dəyərində qızıl tapılıb – VİDEO

ABŞ –da 300 il əvvəl batan İspan gəmisindən 4.5 milyon dollar dəyərində qızıl tapılıb.

ANS PRESS-in məlumatına görə, gəmi Atlantik okeanının Florida ştatı sahillərində aşkar edilib. Batmış gəmini ABŞ-a məxsus "1715 Fleet" şirkəti tapıb. Şirkət 2010-cu ildən Florida sahillərində axtarışlar aparırdı.

İçərisində qızıl, gümüş və qab-qacaqlar olan gəmi 300 il əvvəl Floridadan İspaniyaya getmək üçün yola çıxsa da, mənzil başına çata bilməyib. Gəmi batan zaman 1000 nəfərdən çox insan həyatını itirib. Qızıllar 3 əsr boyunca suyun altında qalsa da öz keyfiyyətini itirməyib.

Tapılmış qızıl ekspertlər tərəfindən 4,5 milyon dollar məbləğində dəyərləndirilir. Gəmi İspan ticarətçilərinə məxsus olub. Həmin ərazidə daha 11 gəmi batıb.

Batmış gəmidən tapılan qızıllar