Hindistan polisi qadını təhqir etdiyinə görə tutuquşunu saxlayıb

Hindistanda polislər 85 yaşlı qadını təhqir etdiyi üçün tutuquşunu saxlayıblar.

Bu barədə Oxu.Az The Telegraph-a istinadən xəbər verir.

Məlumata əsasən, 85 yaşlı Canabəi tutuquşunun onu dəfələrlə təhqir etməsi barədə hüquq-mühafizə orqanlarına şikayət edib.

İlkin araşdırma zamanı məlum olub ki, tutuquşuya danışmağı Sureş Sakxarkar adlı şəxs öyrədib. Canabəi onun ögey anasıdır və bu səbəbdən oğlan tutuquşuya qadının ünvanına təhqiramiz sözlər deməyi öyrədib.

Polisdən bildiriblər ki, qadın və onun oğulluğa götürdüyü şəxs arasında mülkiyyət və torpaq üstündə mübahisə gedir.

“Biz diqqətlə tutuquşu izlədik, lakin o polis bölməsində bir söz belə demədi”, - hüquq-mühafizə orqanlarının əməkdaşı qeyd edib.

Tutuquşuna qarşı heç bir ittiham irəli sürülməyib və o, yerli meşə təsərrüfatı şöbəsinə verilib.