Taxıl sahəsində yanğın baş verdi

İyulun 26-da Qəbələ rayonu ilə Ağdaş rayonu arasında olan ərazidəki taxıl sahəsində naməlum səbəblərdən yanğın hadisəsi baş verib.

Bu barədə Oxu.Az-a Ekologiya və Təbii Sərvətlər Nazirliyindən (ETSN) məlumat verilib.

Nazirlik bildirib ki, dərhal əraziyə cəlb olunmuş Fövqəladə Hallar Nazirliyinin Yanğından Mühafizə Xidmətinin və Ekologiya və Təbii Sərvətlər Nazirliyinin müvafiq yerli qurumlarının əməkdaşlarının, ictimaiyyət nümayəndələrinin birgə səyləri nəticəsində yanğının meşə fondu torpaqlarına keçməsinin qarşısı alınıb.

Bundan başqa, ETSN-nin məlumatına görə, hadisə nəticəsində meşə sahəsi yanğından mühafizə olunub.