Bakıda dəhşətli qəza: Sərnişin avtobusu "KamAZ"la toqquşdu, ölən var – FOTO (YENİLƏNİB)

Bakının Sabunçu-Zabrat yolunda ölümlə nəticələnən ağır qəzasının bəzi detalları bəlli oldu.

ANS PRESS-in məlumatına görə, qəzada toqquşanlar 214 saylı “Daewoo” markalı marşrut avtobusu və “Shacman” markalı yük avtomobildir.

İlkin məlumata əsasən 2 nəfər hadisə yerində ölüb, bir neçə nəfər xəsarət alıb. Yük avtomobilinin kabinasında sıxılmış vəziyyətdə qalan sürücüsü xilasedicilər tərəfindən çıxarılaraq aidiyyəti üzrə təhvil verilib.

Faktla bağlı araşdırmalar aparılır. Ölən və yaralananların kimliyi araşdırılır.

12:15:00

Bakıda dəhşətli yol nəqliyyat hadisəsi baş verib.

Hadisə şahidi İlkin Həsənlinin ANS PRESS-ə verdiyi məlumata görə, təxminən yarım saat əvvəl Sabunçu-Zabrat yolunda "KamAZ" və sərnişin avtobusu toqquşub.

Qəza nəticəsində ölən və yaralananlar var.

Şahidin sözlərinə görə, bir neçə Təcili Tibbi Yardım maşını və Fövqəladə Hallar Nazirliyinin işçiləri hadisə yerindədirlər.

Ölən və yaralananların sayı, qəzanın baş vermə səbəbi haqqında hələlik heç bir məlumat yoxdur.