Oğuzda orta məktəb yandı

Oğuz rayonunda orta məktəb yanıb.

ANS PRESS-in Fövqəladə Hallar Nazirliyinin mətbuat xidmətinə istinadən verdiyi məlumata görə, hadisə rayonun Xaçmaz kəndində qeydə alınıb.

Kənddə ümumi sahəsi 532 kvadratmetr olan birmərtəbəli məktəb yanıb. Yanğın nəticəsində binanın 4 otağı tamam kül olub. Məktəbin digər otaqları də zərər görüb.

Məlumat daxil olan kimi hadisə yerinə yanğınsöndürənlər cəlb olunublar. Məktəbin qalan hissəsi yanğından mühafizə olunub.

Yanğın saat 07:59-da yanğınsöndürənlər tərəfindən söndürülüb.

Faktla bağlı araşdırmalara başlanılıb.