Suriyada xəstəxana yandı: 25 nəfər öldü

Suriyada xəstəxanada baş vermiş yanğında 25 nəfərdən çox adam ölüb.

ANS PRESS Türkiyə mətbuatına istinadən xəbər verir ki, ölənlərin əksəriyyəti uşaqlar olub.

Yanğın Suriya - Türkiyə sərhədindəki Qamışlı şəhərində baş verib.

Dəhşətli yanğın xəstəxanadakı yanacaq deposunun partlamasından sonra baş verib. Yanğın nəticəsində onlarla insan xəsarət alıb.

Hələlik partlayışın səbəbi açıqlanmayıb.