Yerə düşmüş əşyanı götürən sürücü qəza törətdi

Gecə Bakının Nərimanov rayonu Ziya Bünyadov prospektində yol nəqliyyat hadisəsi baş verib.

Yolun şəhər "20 yanvar" dairəsi istiqamətindəki hərəkət hissəsində baş verən hadisə zamanı “Mercedes” və “Volkswagen” markalı iki minik avtomobili toqquşub.

“Mercedes”in sürücü Elşad Məmmədovun sözlərinə görə, sükan arxaında olarkən əlindəki əşya maşının salonuna düşüb.

Elə onun axtarışları zamanı yola nəzar yetirməyi bir anlıq unudub.

Bu diqqətsizliyin qurbanı isə, Telman Quliyevin avtomobili olub.

Maddi ziyanın böyük olduğu qəzasının tək təsəllisi isə xəsarət faktının qeydə alınmamasıdır.