Dağıntıda 2 nəfər ölüb – FOTO

Abşeron rayonu, Xırdalan şəhərində tikintisi başa çatmamış beşmərtəbəli yaşayış binasında partlayış hadisəsilə əlaqədar axtarış-xilasetmə işləri davam etdirilir.

Fövqəladə Hallar Nazirliyinin mətbuat xidmətiondən ANS PRESS-ə verilən məlumata görə, xəsarət alan 9 nəfər çıxarılıb. Dağıntılar altından 2 nəfərin meyiti xilasedicilər tərəfindən çıxarılıb.

Meyidlər aidiyyatı üzrə təhvil verilib.

Qeyd edək ki, Abşeron rayonu ərazisində, Xırdalan şəhərində güclü partlayış baş verib. Partlayış tikintisi başa çatmamış beşmərtəbəli yaşayış binasında qeydə alınıb. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunublar.

Hadisə məcburi köçkünlərin məskunlaşdığı 4 mərtəbəli binadakı mənzillərdən birində qeydə alınıb.