Rusiyada universitet binası uçdu – VİDEO

Rusiyada Sankt-Peterburq İnformasiya Texnologiyaları, Mexanika və Optika Milli Tədqiqat Universitetinin dam örtüyü beşinci mərtəbədən ikinciyə qədər uçub.

Bu barədə TASS məlumat yayıb.

Bildirilir ki, dağıntılar altında insanlar qala bilər, onların sayı dəqiqləşdirilir. İnsident zamanı 60 nəfər təxliyyə edilib.

“Fontanka” nəşri hadisə şahidlərinə istinadən yazır ki, fevralın 16-da universitetdə dərs günü olub. Qeyd olunur ki, təhsil ocağında tələbələr və müəllimlər binada qalıb, həmçinin 21 nəfərin dağıntılar altında qaldığı ehtimal olunur.