Samuxda elektrik stansiyasında baş vermiş hadisədə bir nəfər yaralanıb

Bu gün səhər saatlarında Samux rayonunda elektrik stansiyasında yanğınla nəticələnən partlayış baş verib.

Səhiyyə Nazirliyinin mətbuat xidmətindən virtualaz.org-a bildiriblər ki, partlayış nəticəsində 40 yaşlı Elmir Həsənov yaralanıb. O, ağır xəsarətlərlə Gəncə Şəhər Təcili Tibbi Yardım Xəstəxanasının Reanimasiya Şöbəsinə yerləşdirilib. Hazırda yaralının vəziyyəti ağırdır. Ona elektrotravma diaqnozu qoyulub, bədənin müxtəlif nahiyələrində 3-cü və 4-cü dərəcəli yanıq xəsarətləri var.