İtaliyada körpü uçdu, onlarla ölən var – VİDEO + FOTO

İtaliyanın şimal-qərbində - Genuyada uçan avtomobil körpüsünün dağıntılarının altından sağ qalanlar tapılıb.

Bu barədə “Rai News” telekanalı məlumat yayıb.

Telekanalın məlumatına görə, dağıntılar altından yeddi nəfər çıxarılıb. Onları helikopterlə şəhər xəstəxanalarına aparıblar.

Qeyd olunur ki, yaralıların bir çoxunun beli sınıb.

Telekanal İtaliya DİN-dəki mənbələrinə istinadən artıq 11 nəfərin, o cümlədən bir körpənin meyitinin tapıldığını bildirib.

* * *16:08

İtaliyada avtoban üzərindəki körpü çöküb.

Virtualaz.org xarici KİV-ə istinadən bildirir ki, hadisə Genuya şəhərindəki A-10 avtomobil yolunda qeydə alınıb.

Ən azı 20 nəfərin öldüyü və xeyli yaralananın olduğu bildirilir. Bununla belə, onların dəqiq sayı barədə hələlik məlumat yoxdur.

O da bildirilir ki, körpünün uçması qaz borularının zədələnməsinə və qaz sızmasına səbəb olub.