Çində ev çöküb

Çinin şərqində çökən evin dağıntıları altında altı nəfər qalıb.

Oxu.Az RİA Novosti-yə istinadən xəbər verir ki, bu barədə “Sina” portalı xilasedicilərə istinadən məlumat yayıb.

Hadisə yerli vaxtla saat 08:05-də (Bakı vaxtı ilə saat 04:05) baş verib. Məlumata görə, beş mərtəbəli yaşayış binasının üç bloku çöküb.

Hadisə yerinə ümumilikdə 100 nəfərdən ibarət səkkiz xilasedici briqada cəlb edilib.

Hazırda axtarış-xilasetmə işləri aparılır. Binanın çökmə səbəbləri araşdırılır. Ölən və yaralananlar haqqında məlumat yoxdur.

09:38

Çinin Vençjou vilayətində üç ev çöküb, dağıntılar altında qalanlar var.

Oxu.Az Rambler news-a istinadən xəbər verir ki, bu barədə “Sinyuxa” agentliyi məlumat yayıb.

Hadisə yerli vaxtla saat 08:00-da (Bakı vaxtı ilə saat 04:00) baş verib. Məlumata görə, üç beşmərtəbəli yaşayış evi aşıb. Dağıntılar altında qalan insanların dəqiq sayı məlum deyil.
Hazırda xilasetmə işləri aparılır.