Bakıda polis kapitanını AA seriyalı maşın vurdu

Bakıda polisin vurulması ilə nəticələnən yol qəzası baş verib.

AzNews.info Qafqazinfo-ya istinadən xəbər verir ki, hadisə Nərimanov rayonu, Ağa Nemətulla küçəsində qeydə alınıb.

Qəzanı törədən avtomobil isə Sumqayıt şəhəri Metallurq küçəsində yerləşən Rezervuar və Metal Konstruksiya MMC-yə məxsus olub.

Sürücü Mitsubishi markalı 50 AA 547 nömrəli avtomobillə xidmətdə olan 17-ci Polis Bölməsinin polis kapitanı 1965-ci il təvəllüdlü Kamal Əliyevi vurub. Polis kapitanı kəllə beyin travması xəsarəti ilə DİN-in Hospitalına yerləşdirilib.