Sirkdə qorxulu anlar - Dəvəquşu tamaşaçılara hücum çəkdi – VİDEO

Kazanda sirk tamaşası zamanı xoşagəlməz hadisə yaşanıb.

Publika.az xəbər verir ki, tamaşa zamanı dəvəquşu tamaşaçılara hücum çəkib. Səs-küydən hürkən nəhəng quş səhnədən tribunaya sıçrayıb. Hətta uşaqlardan birinə dimdik də atıb.

Sosial şəbəkədə yayımlanan görüntülər müzakirələrə səbəb olub. Dəvəquşunun nəzarətdən çıxdığını görən təlimçi əvvəlcə başını tutub. Sonra özünə gələrək dəvəquşunu səhnədən çıxarıb. Az sonra tamaşa davam edib.

Tatarıstan Səhiyyə Nazirliyi hadisə nəticəsində zərərçəkən olmadığını açıqlayıb. Sirkdən isə həmin quşun bir daha tamaşalarda iştirak etməyəcəyi bildirilib.